Թուրքական դատարանը որոշել է ձերբակալել ընդդիմադիր իսլամական քարոզիչ Ֆեթուլլահ Գյուլենին և նրա 7 աջակիցներին՝ 2016թ. դեկտեմբերին Թուրքիայում ՌԴ դեսպան Անդրեյ Կառլովի սպանության մեղադրանքով, հաղորդում է РИА Новости-ն՝ հղում անելով Haberturk-ին: Թուրքական դատարանը եզրահանգման է եկել, որ Գյուլենն է հրամայել սպանել Կառլովին: Ռուս դեսպանի սպանության գործով, ընդհանուր առմամբ, ձերբակալված է 7 մարդ, նրանցից 3-ը նախկին ոստիկաններ են: Նշենք, որ Անկարան Գյուլենին մեղադրում է 2016թ. ամռանը Թուրքիայում պետական հեղաշրջման փորձ կատարելու համար: Իսլամական քարոզիչը 1999թ.-ից բնակվում է ԱՄՆ-ում: |