ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+8 °C, +3 °C ... +13 °C Վաղը`+16 °C
ԱՄՆ-ն և ԵՄ-ն քննադատել են Ղրիմի կամրջի բացումը
11:15, 16.05.2018 | mamul.am
11105 | 0

ԱՄՆ Պետդեպարտամենտը քննադատել է Կերչի նեղուցի միջով կամրջի կառուցումը, որը բացվեց երեկ և որին մասնակցեց ՌԴ նախագահ Վլադիմիր Պուտինը:

Պետդեպարտամենտի պաշտոնական ներկայացուցիչ Հեզեր Նոյերթն ընդգծել է, որ այդ կամուրջը կառուցվել է առանց Ուկրաինայի թույլատվության:

«Ղրիմի կամրջի կառուցումը վկայում է այն մասին, որ Ռուսաստանը շարունակում է խախտել միջազգային իրավունքը»,- ասել է Նոյերթը:

ԱՄՆ Պետդեպարտամենտը հիշեցրել է նաև, որ այդ կամրջի կառուցմանը մասնակցող իրավաբանական և քաղաքացիական անձանց նկատմամբ պատժամիջոցներ են գործում:

Եվրոմիությունը ևս քննադատել է կամրջի կառուցումը՝ հայտարարելով, որ դրանով խախտվում է Ուկրաինայի ինքնիշխանությունը: ԵՄ հայտարարության համաձայն՝ կամրջի կառուցումն ուղղված է թերակղզում Ռուսաստանի հետագա ստիպողաբար ինտեգրմանն ու Ուկրաինայի մեկուսացմանը:

Կիսվի՛ր այս նյութով՝
դեպի վեր