+13 °C, +13 °C ... +26 °C Վաղը`+25 °C
Թուրքիան կվերանայի Իսրայելի հետ տնտեսական կապերը հունիսի 24-ին կայանալիք նախագահական և խորհրդարանական ընտրություններից հետո՝ համաձայն «Իսլամական համագործակցություն» կազմակերպության որոշման: Այս մասին հայտարարել է Թուրքիայի նախագահ Ռեջեփ Էրդողանը, հաղորդում է Hurriyet-ը: Թուրքիայի կողմից հրավիրված «Իսլամական համագործակցություն» կազմակերպության գագաթնաժողովը կայացել էր անցած շաբաթ՝ կապված Գազայի հատվածի սահմանին բախումների հետ: «Հույս ունեմ, որ «Իսլամական համագործակցություն» կազմակերպության երկրները կյանքի կկոչեն Իսրայելի առևտրային բլոկադան: Թուրքիան կվերանայի Իսրայելի հետ տնտեսական կապերը կայանալիք ընտրություններից հետո»,- ասել է Էրդողանը: «Կարծում ենք, որ մենք կզսպենք Իսրայելին, և Իսրայելն ի վիճակի չի լինի հակազդել ՄԱԿ-ի ուժերին»,- հավելել է Էրդողանը: Հիշեցնենք, որ բախումներից հետո կտրուկ լարվել են Իսրայելի և Թուրքիայի հարաբերությունները: Թուրքիան հետ էր կանչել Իսրայելում իր դեսպանին և արտաքսել հյուպատոսին: Իսրայելն, իր հերթին, հայտարարել էր Թուրքիայի դեմ պատժամիջոցներ սահմանելու մասին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am