ԱԺ «Ծառուկյան» խմբակցության պատգամավոր Վահե Էնֆիաջյանի ելույթը ևս վերաբերում էր տարիներ շարունակ հեռուստատեսության լուսաբանման կամայական մոտեցումներին, ֆինանսական չարաշահումներին. «Հանրայինին 6 մլրդ դրամից ավելի գումար է հատկացվում բյուջեից: Դրա 75 տոկոսը տրամադրվում է «Շարմ հոլդինգ»-ին, որի 50 տոկոսի սեփականատերը Ռուբեն Ջաղինյանն է: Ինչպե՞ս սա կպարզապնեք: Հանրայինին պատկանող շենքը գրավադրվել է բանկում, ինչպե՞ս կմեկնաբանեք: Մամուլում լուրեր կան, որ 2 մլրդ դրամի չարաշահումներ են իրականացվել: Սրա մասին ի՞նչ կասեք»:

Հիշեցնենք՝ քննարկվում է «Հեռուստատեսության և ռադիոյի ազգային հանձնաժողովի 2017 թվականի գործունեության մասին» հաղորդումը: Զեկուցում է Հեռուստատեսության և ռադիոյի ազգային հանձնաժողովի նախագահ Գագիկ Բունիաթյանը: