Միջազգային մամուլի ուշադրության կենտրոնում շարունակում են մնալ ներհայաստանյան իրադարձություններն ու ԱԱԾ-ի աղմկահարույց բացահայտումները: ВВС-ի ռուսական ծառայությունն անդրադարձել է ՀՀ նախկին նախագահ Սերժ Սարգսյանի երկու եղբայրներին, ինչպես նաև ՀՀ 2-րդ նախագահ Ռոբերտ Քոչարյանին: «ՀՀ նախկին նախագահ Սերժ Սարգսյանի եղբայրներին մեղադրում են կաշառակերության համար: Հայկական լրատվամիջոցները հայտնել էին, որ Սերժ Սարգսյանի եղբոր՝ Ալեքսանդր Սարգսյանի առանձնատանը խուզարկություններ են անցկացրել, ապա ձերբակալել, որից հետո ազատ արձակել: Մյուս եղբայրը՝ Լևոն Սարգսյանը, հատուկ հանձնարարություններով ՀՀ դեսպան է, մեղադրվում է եկամուտները թաքցնելու համար: Գործի նյութերում շրջանառվում է գրեթե 7 միլիոն դոլար գումարը»,- ասվում է ВВС-ի պատրաստած ռեպորտաժում: |