Mamul.am
Ամբողջական տարբերակ
USD 485.72, EUR 550.71, RUB 7.35, GBP 621.53
+9 °C, +5 °C ... +12 °C Վաղը`+10 °C
Hay / Հայ | Рус | Eng | Tür
ԱԱ-2018. Խորվաթիան լրացուցիչ ժամանակում հաղթեց Անգլիային և դուրս եկավ եզրափակիչ (տեսանյութ)
00:40, 12.07.2018

Մոսկվայի «Լուժնիկի» մարզադաշտում ավարտվեց ֆուտբոլի աշխարհի 2018 թվականի առաջնության կիսաեզրափակիչ Խորվաթիա - Անգլիա հանդիպումը: Խորվաթիան, լրացուցիչ ժամանակում հաղթելով Անգլիային, դուրս եկավ եզրափակիչ։

Հանդիպման 5-րդ րոպեին խաղի հաշիվը բացեց Կիրան Տրիպյեն՝ առաջ մղելով Անգլիայի ընտրանուն, որն ընդմիջման գնաց հաղթողի կարգավիճակում։ Երկրորդ խաղակեսի 68-րդ րոպեին խորվաթների կազմում Իվան Պերիշիչը հավասարեցրեց հաշիվը։ Հիմնական ժամանակն ավարտվեց ոչ-ոքի՝ 1։1 հաշվով։ Լրացուցիչ ժամանակի 109-րդ րոպեին Մարիո Մանջուկիչի գոլը հաղթանակ պարգևեց Խորվաթիային։ Այսպիսով, խորվաթները, պատմության մեջ առաջին անգամ, դուրս են եկել աշխարհի առաջնության եզրափակիչ, որտեղ չեմպիոնի կոչման համար կպայքարեն Ֆրանսիայի ընտրանու հետ։

Տեղեկացրե՛ք Ձեր մտերիմներին
| |
դեպի վեր