Mamul.am
Ամբողջական տարբերակ
USD 487.27, EUR 549.69, RUB 7.31, GBP 622.97
+10 °C, +4 °C ... +12 °C Վաղը`+12 °C
Hay / Հայ | Рус | Eng | Tür
Սասուն Միքայելյանը՝ սահմանային իրավիճակի ու Լևոն Երանոսյանի հետ հանդիպման մասին
14:55, 12.07.2018

«Ելք» խմբակցության պատգամավոր Սասուն Միքայելյանը լրագրողների հետ զրույցում անդրադառնալով սահմանային իրավիճակին՝ նշել է, որ ամեն վայրկյան կարող է պատերազմ սկսվել, ուստի անհրաժեշտ է զգոն լինել. «Մենք միշտ՝ ամեն ժամ, ամեն վայրկյան, պետք է պատրաստ լինենք պատերազմի: Ինչ որ կատարվում է սահմանին՝ վտանգավոր է: Ես, այո, համարում եմ, որ կարող է պատերազմ սկսվել: Բայց, ինչ-որ տեղ ադրբեջանցիները վախենում են մեր համախմբվածությունից: Լավ գիտակցում են, որ եթե համախմբվենք՝ հաղթանակ ենք տանելու»,- կարծիք է հայտնել պատգամավորը:

Ս. Միքայելյանը խոսել է նաև ՀՀ ոստիկանության ներքին զորքերի նախկին հրամանատար Լևոն Երանոսյանի մասին՝ նշելով, որ վերջինը փորձել է հանդիպել իրեն, որպեսզի ներողություն խնդրի:

«Մի անգամ փորձել է, բայց չստացվեց: Նույն բախտին արժանացավ: Ուզեցել է, որ հաշտվենք, բայց ես չեմ ուզել»,- ասել է պատգամավորը:

Հիշեցնենք, որ Նիկոլ Փաշինյանի, Արարատ Միրզոյանի և Սասուն Միքայելյանի ձերբակալման օրը Երանոսյանի և Միքայելյանի միջև վեճ էր տեղի ունեցել: Երկու կողմից հայհոյանք էր հնչել, որից հետո Միքայելյանը ջրի շիշը նետել էր նրա վրա:

Տեղեկացրե՛ք Ձեր մտերիմներին
| |
դեպի վեր