2001 թվականի սեպտեմբերի 11-ին Նյու Յորքում տեղի ունեցած ահաբեկչության հազարից ավելի զոհերի մնացորդները դեռ ճանաչված չեն, գրում է Reuters-ը:

Վերջին 5 տարում փորձագետներին հաջողվել է ճանաչել միայն 5 զոհի ինքնություն, իսկ ընդհանուր առմամբ այդ թիվը հասնում է 1642-ի: 4 ահաբեկչությունների հետևանքով ընդհանուր առմամբ զոհվել է 2977 մարդ:

Հիշեցնենք, 2001 թվականի սեպտեմբերի 11-ին ահաբեկիչներն առևանգել են 4 ուղևորատար ինքնաթիռներ ԱՄՆ-ում: Դրանցից երկուսը նրանք ուղղել են Նյու Յորքի Առևտրի համաշխարհային երկվորյակ շենքերի ուղղությամբ, մեկը՝ Պենտագոնի, ևս մեկը կործանվել է Վաշինգթոնի ճանապարհին՝ Փենսիլվանիա նահանգում: