ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Միացյալ Նահանգներն ու Իրանն Իրաքում գաղտնի բանակցություններ են վարել
15:15, 17.09.2018 | mamul.am
7324 | 0

ԴԱԻՇ ահաբեկչական խմբավորման դեմ պայքարի գլոբալ կոալիցայում ԱՄՆ նախագահի հատուկ ներկայացուցիչ Բրեթ ՄքԳերքն ու Իսլամական հեղափոխության պահակախմբի կորպուսի գեներալ Քասեմ Սուլեյմանին սեպտեմբերի 11-ին Իրաքում գաղտնի բանակցություններ են վարել, գրում է Gulfnews-ը՝ հղում անելով քուվեյթական Aljarida պարբերականին:

Հաղորդվում է, որ հանդիպման ժամանակ կողմերը քննարկել են Իրաքում նոր կառավարության ստեղծումն ու այլ հարցեր:

Պարբերականի տեղեկությունների համաձայն՝ ՄքԳերքը Սուլեյմանիին առաջարկել է լուծել երկու երկրների միջև տարաձայնություններն ու միասին աշխատել Իրաքի նոր կառավարության ստեղծման ուղղությամբ:

Պարբերականը նաև հայտնել է, որ հանդիպումը կայացել է ամերիկյան կողմի նախաձեռնությամբ:

Իր հերթին, Սուլեյմանին ամերիկյան կողմին ապացույցներ է ներկայացրել այն մասին, որ Իրաքի Բասրա քաղաքում իրանական հյուպատոսության վրա հարձակում է իրականացվել ԱՄՆ-ի կողմից: Բացի այդ, Սուլեյմանին ասել է ՄքԳերքին, որ «Իրանը պատրաստ է չմիջամտել Իրաքում ամերիկյան շահերին, եթե ԱՄՆ-ը չմիջամտի Իրաքում իրանական շահերին»:

Կիսվի՛ր այս նյութով՝
դեպի վեր