Հյուսիսային և Հարավային Կորեաների առաջնորդները երեկ Փհենյանում կայացած հանդիպման ընթացքում համաձայնության են հասել ապառազմականացված գոտուց զինվորականների դուրսբերման շուրջ: Բացի այդ, Հյուսիսային Կորեան խոստացել է փակել Թոնչհանիում իր հրթիռային հրաձգարանն ու ամբողջությամբ ապամոնտաժել Յոնբյոնում միջուկային օբյեկտները: Կիմ Չեն Ինն ու Մուն Չժե Ինը համաձայնել են նաև սկսել երկաթգծերի և մայրուղիների միացման աշխատանքները: Այդպիսով, Անդրկորեական և Անդրսիբիրյան մայրուղիներով բեռներ կտեղափոխվեն Եվրոպա: Փհենյանն ու Սեուլը նաև որոշել են համատեղ հայտ ներկայացնել 2032թ. Օլիմպիական խաղերի անցկացման համար և միասնական թիմ ուղարկել Խաղերին: Կիմ Չեն Ինը խոստացել է մոտ ժամանակները Սեուլ այցելել: |