Իրավապաշտպան, հրապարակախոս Զառա Հովհաննիսյանը ֆեյսբուքյան իր էջում գրել է. «Հասարակությունը սևերի ու սպիտակների տարանջատելու բաժանարարը գծել է ՀՀԿ-ն՝ իր տմարդի քաղաքականությամբ։ Այն ՀՀԿ-ն, որը հայտարարում էր, թե առաջիկա 10 տարիներին ամենաազդեցիկ քաղաքական ուժը պետք է լինի ՀՀԿ-ն, և անկախ նրանից՝ ով ինչ պաշտոն է ուզում զբաղեցնել, առանց Մելիք-Ադամյան 2-ն անցնելու, չի կարող հաջողություն ունենալ։ Ի՞նչ էր սա, եթե ոչ բաժանում սևերի ու սպիտակների։ Սևերը Մելիք-Ադամյանի 2-ում էին, սպիտակները՝ դրսում։ Սևերը հիմա էլ նույն հասցեն ունեն ու այդ հասցեից իրենց սև դավերն են նյութում, սակայն չփորձեք սևացնել այն մաքուր պրոցեսները, որոնք ընթանում են այժմ մեր երկրում՝ ձեր սև փողերով, սև PR-ով, սև ու ստվերային պայմանավորվածություններով։ Այսուհետ հանրությունն իր քվեով է ամրագրել մաքուր, արդար ու ազատ հասարակություն կառուցելու ցանկությունը։ |