Պարզ է դարձել, թե որտեղ է անհետացել Ինտերպոլի նախագահ Մեն Հունվեյն, ում անհետացման մասին ահազանգել էր կինը: Վերջինը հայտնել էր, որ սեպտեմբերի 29-ին Հունվեյը մեկնել է Չինաստան, սակայն այցի ավարտից հետո չի վերադարձել, և որևէ մեկը նրա մասին մինչև հիմա տեղեկություն չունի։ Ավելի ուշ պարզվել է, որ Մեն Հունվեյը ոչ թե կորել է, այլ ձերբակալվել հայրենի Չինաստանում, հենց որ նրա ինքնաթիռը վայրէջք է կատարել այնտեղ: Այս մասին հայտնում է South China Morning Post-ը՝ հղում անելով իր աղբյուրներին: Նրա ձերբակալությունը կապ ունի չինական իշխանական շրջանակներում ազդեցություն ունենալու դեմ պայքարի հետ: Նրա պահման վայրը գաղտնի է պահվում, նրան ապագայում կհարցաքննեն: Ինտերպոլի նախագահը բնակվում է Ֆրանսիայի Լիոն քաղաքում։ Նա նախկինում զբաղեցրել էր Չինաստանի հասարակության անվտանգության հարցերով զբաղվող նախարարի պաշտոնը։ Ինտերպոլն առայժմ նախագահի անհետացման վերաբերյալ որևէ պաշտոնական հայտարարություն չի արել։ |