ԱՄՆ-ի իշխանությունները սառեցրել են ռուս օլիգարխ Օլեգ Դերիպասկայի բաժնետոմսերը: Խոսքը, մասնավորապես, Նյու Յորքի Իսթ Սայդ թաղամասում և Վաշինգթոնում գտնվող նրա առանձնատների մասին է: Այս մասին հայտնում է New York Post-ը՝ հղում անելով ԱՄՆ-ի ֆինանսների նախարարության աղբյուրին: Աղբյուրի խոսքով՝ գերատեսչության ներկայացուցիչները գործարարի հետ բանակցություններ են վարում: Նշվում է, որ Դերիպասկան 2008թ. Նյու Յորքում 42,5 միլիոն դոլարի անշարժ գույք է գնել: Նշենք, որ ԱՄՆ-ը պատժամիջոցներ էր սահմանել Դերիպասկայի և նրան պատկանող ընկերությունների նկատմամբ ապրիլի 6-ին: |