Պետական վերահսկողական ծառայության պետ Դավիթ Սանասարյանը ֆեյսբուքյան ուղիղ եթերով հայտնեց, որ մեկնում է Մարալիկ՝ հանդիպելու մարալիկցիների հետ: «Քանի որ Մարալիկի հայրենակիցները բողոքի ակցիաներ են անում և դիմել են, որ Վերահսկողական ծառայությունը ուսումնասիրություններ իրականացնի Մարալիկում, հիմա մենք մեկնում ենք Մարալիկ»,- ասել է նա` խնդրելով մարալիկցիներին, որ եթե որևէ մեկը գալիս է Մարալիկ` լինի ադեկվատ, թե անադեկվատ, ագրեսիա չցուցաբերել, ինչքան էլ որ անադեկվատ իրենց պահեն»: Հիշեցնենք, որ Ֆեյսբուք սոցիալական ցանցում «Ադեկվադ» անունով հայտնի հաղորդման հեղինակներ Նարեկ Մալյանը և Արթուր Դանիելյանն երեկ այցելել էին Շիրակի մարզի Մարալիկ համայնք։ Համյանքի մի խումբ բանկիչներ կռիվ են հրահրել Նարեկ Մալյանի, Արթուր Դանիելյանի և նրանց օպերատորի նկատմամբ։ Միջադեպը տեղի է ունեցել ուղիղ եթերի ընթացքում։ «Ադեկվադ»-ի հեղինակներից Նարեկ Մալյանը հայտարարել էր, որ, ըստ երևույթին, իրենց վրա հարձակվողները վարչապետ Նիկոլ Փաշինյանի խուլիգաններն էին, որովհետև իրենց հակահեղափոխական էին անվանում։ |