+13 °C, +13 °C ... +26 °C Վաղը`+25 °C
Ադրբեջանի ԱԳՆ-ն արձագանքել է Ֆրանկոֆոնիայի 17-րդ գագաթնաժողովի շրջանակներում Արցախի վերաբերյալ ՀՀ վարչապետ Նիկոլ Փաշինյանի հայտարարությանը՝ այն անվանելով «իրականությունից հեռու» և «ստահոդ»: Ըստ Բաքվի՝ հայտարարությունը «հակասում է Դուշանբեում երկու երկրների առաջնորդների միջև կայացած զրույցի ոգուն»: Բացի այդ, Ադրբեջանի ԱԳՆ-ն Նիկոլ Փաշինյանին մեղադրել է «հարյուր հազարավոր ադրբեջանցի փախստականների» մասին ճշմարտությունը թաքցնելու և ԼՂ հակամարտության բանակցային խաղաղ գործընթացի սկզբունքներին հակասելու համար: Հիշեցնենք, որ երեկ վարչապետն իր ելույթում ասել էր. «Համոզված ենք, որ Արցախը պետք է որոշիչ ձայն ունենա խաղաղ բանակցային գործընթացում ու իր կարգավիճակը պետք է որոշի՝ հաշվի առնելով ժողովրդի իրական պարտադիր ուժն ունեցող կամարտահայտության իրավունքը: Արցախի համար առնացքային նշանակություն ունի նաև անվտանգության հարցը: Վերջինս այնքան հաճախ է դարձել իր իրավունքների ոտնահարման, վայրագությունների զոհ, որ ուժի կիրառման կրկնվող փորձերը լուրջ վտանգի տակ են դնում բնակչության ֆիզիկական գոյության ռիսկը: Հավատում ենք, որ խաղաղությանը միտված մթնոլոտի ստեղծման կարգավորման գործընթացի առաջմղման մեր ջանքերն ուղղված են փոխվստահության միջոցների շուրջ արագ ու համապարփակ համաձայնությունների ձեռքբերման խրախուսմանը»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am