«Ձեր գյուղում հակակարկտային ոչ մի կայան չկա՞»,- դիմելով Սյունիք համայնքի ղեկավարին՝ հարցրեց վարչապետի պաշտոնակատար Նիկոլ Փաշինյանը:

«Ոչ միայն գյուղում, այլև մարզում չկա ոչ մի հատ»,- ասաց գյուղապետը:

«Տարօրինակ փաստ է»,- զարմացավ Փաշինյանը:

Արդեն հայտնել էինք, որ կառավարության ղեկավարը հանդիպում է անցկացնում Սյունիքի մարզպետարանում:

Անդրադառնալով վառելափայտի վերաբերյալ մտահոգություններին՝ վարչապետի պաշտոնակատարը նշեց, որ իր հանձնարարությամբ, սանիտարական հատումների շրջանակներում, կապահովվի այդ հարցի լուծումը. «Բայց անտառային բիզնեսին պետք է վերջ տալ, քանի որ դա խփում է բնապահպանությանը»,- ասաց նա: