Քաշաթաղի շրջանի «Մերան» պաշտոնաթերթի ֆեյսբուքյան էջում կարդում ենք. «Քաշաթաղի շրջանի Միրիկ գյուղի մերձակա հնադարյան ամրոցի մոտ ՀՀ Հնագիտության ինստիտուտի արշավախմբի կողմից իրականացվում են դամբարանի պեղումների աշխատանքներ, որոնք ղեկավարում է հնագետ Հարություն Խուդանյանը՝ Գագիկ Սարգսյանի հետ համատեղ: Պեղումները հովանավորում է «Հայրենասեր» ՀԿ համահիմնադիր Ստեփան Սարգսյանը, ով անցած տարի հովանավորեց հիշատակված ամրոցի ուսումնասիրման և պեղումների աշխատանքները: Այս օրերին հեռացվել է դամբարանը ծածկող հողի շերտը, գտնվել են խեցեղենի բեկորներ, կենդանիների ոսկորներ: Հնագետները գտնում են, որ գործ ունեն հետաքրքիր հուշարձանի հետ, որը միակն է ամրոցին այդքան մոտ/ 200մ/, ունի շուրջ 8 մետր տրամագիծ և պահպանվել է /հույս ունեն/ անխաթար վիճակում»: |