Արցախի նախկին արտգործնախարար, քաղաքագետ Արման Մելիքյանը ֆեյսբուքյան իր էջում գրել է. «ՀՀ քրեական օրեսգիրքը գործող վարչակազմի կողմից համապետական ընտրությունների արդյունքների կեղծումը որպես սահմանադրությամբ ժողովրդին պատկանող իշխանության յուրացում չի դիտարկում: Այդօրինակ կեղծումը չի դիտարկվում նաև որպես երկրի սահմանադրական կարգի տապալմանն ուղղված գործողություն: Ըստ այդմ, ընտրակեղծարարությունը դիտարկվում է որպես մանր՝ ընտրատեղամասային մասշտաբի հանցագործություն, որի համար մեղավորը կարող է անգամ տուգանք վճարելով պրծնել: Մարդիկ նախապես իրենք իրենց ապահովագրել են՝ օրենքով սահմանված պատիժները՝ մասշտաբային ընտրակեղծարարության մասով իրենց գործած կամ գործելիք հանցագործության ծանրության ու վտանգավորության համեմատ աննշան են: ՀՀԿ-ական և ՀՀԿ-ամերձ օրենսդիրները գիտեին, թե ինչ են անում ու անելու»: