Mamul.am
Ամբողջական տարբերակ
USD 485.72, EUR 550.71, RUB 7.35, GBP 621.53
+1 °C, 0 °C ... +7 °C Vaghy:+10 °C
Hay / Հայ | Рус | Eng | Tür
ԱԺ-ն չընդունեց Ընտրական նոր օրենսգրքի նախագիծը
17:55, 22.10.2018

Ձայների 56 կողմ, 3 դեմ հարաբերակցությամբ ԱԺ-ն առաջին ընթերցմամբ մերժեց Ընտրական նոր օրենսգրքի նախագիծը:

Ավելի վաղ ՀՀԿ-ն հայտարարել էր, որ կողմ չէ ներկայացված նախագծին, ինչ վերաբերում է ՀՅԴ-ին, վերջինները նշել էին, որ դեմ են դեկտեմբերին արտահերթ անցկացնելու գաղափարին, բայց այսօր կողմ կքվեարկեն ԸՕ փոփոխություններին: ԸՕ նախագծին կողմ էին արտահայտվել «Ելք»-ն ու «Ծառուկյան» խմբակցությունը:

Տեղեկացնենք, որ Ընտրական օրենսգրքի փոփոխություններն ընդունելու համար անհրաժեշտ էր 63 պատգամավորի կողմ քվե, քանի որ սա համարվում է Սահմանադրական օրենք:

Ավելի վաղ լրագրողների հետ զրույցում անդրադառնալով հարցին՝ օրենսգրքի չընդունումը կարո՞ղ է հանգեցնել հանրահավաքների, «Ելք» խմբակցության ղեկավար Լենա Նազարյանն ասել էր. «Ոչ, ընդամենն Ընտրական օրենսգիրքը չի ընդունվի ու կմասնակցենք հին օրենսգրքով, որը վատ պայմաններ է ստեղծում նոր կամ հանրային աջակցություն չունեցող կուսակցությունների համար»:

ԱԺ-ն չընդունեց Ընտրական նոր օրենսգրքի նախագիծը
Տեղեկացրե՛ք Ձեր մտերիմներին
| |
դեպի վեր