Այսօր Մեքսիկայի մայրաքաղաքում հզոր պայթյուն է տեղի ունեցել և հրդեհ է բռնկվել ալկոհոլային խմիչքների գործարանում: Դեպքի մասին Twitter-ի իր էջում հայտնել է Մեխիկոյի քաղաքացիական անվտանգության ծառայության ղեկավարը:

Նրա խոսքով՝ այժմ իրավիճակը վերահսկվում է: Դեպքի հետևանքով 1 մարդ է վնասվածք ստացել, 2000 մարդ տարհանվել է:

Համացանցում հայտնված տեսագրությունում երևում է պայթյունի և հրդեհի բռնկման պահը: Կրակի բարձրությունը եղել է մի քանի տասնյակ մետր: