ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+8 °C, +6 °C ... +16 °C Վաղը`+20 °C
«ՀՀԿ-ն երեկ ոչ թե իր կշիռը, այլ անզորությունը ցուցադրեց». Ն. Զոհրաբյան
13:00, 23.10.2018 | mamul.am
3232 | 8

«Հորդորս է Հանրապետական կուսակցությանը, որպեսզի չփորձեն վերջին անգամ սեպ խրել այն փոփոխություններին, որոնք արվելու են խորհրդարանում»,- այս մասին այսօր լրագրողների հետ զրույցում նշեց Նաիրա Զոհրաբյանը՝ ավելացնելով, որ ինքը միշտ առաջնորդվում է ռացիոնալ տրամաբանությամբ:

«Շատ դեպքերում մեր խորհրդարանն առաջնորդվում է իռացիոնալ տրամաբանությամբ, ես հույս ունեմ, որ այս անգամ կհաղթի սթափ տրամաբանությունը, որովհետև իրենք ևս իրենց ելույթներում բազմիցս ասել են, որ նոր ընտրական օրենսգիրքը ժողովրդավար ընտրական ընթացակարգեր է սահմանում, քան գործողը: Այն, ինչ իրենք արեցին երեկ, որևէ քաղաքական տրամաբանության չէր ենթարկվում»,- իր խոսքում նշեց նա:

Զոհրաբյանը հայտնեց, որ «Ելք» խմբակցությունը միացել է ստորագրահավաքին, իսկ ՀՅԴ-ն հրաժարվել է ստորագրել, սակայն, հայտնել է, որ կմասնակցեն քվեարկությանը. «Անհրաժեշտ ստորագրությունները հավաքվում են»։

Զոհրաբյանը տեղեկացրեց, որ ստորագրահավաքին մասնակցել են նաև ՀՀԿ խմբակցության պատգամավորներ, որոնք ավելի վաղ միացել էին դեկտեմբերին ընտրություններ անցկացնելու հայտարարությանը:

Հիշեցնենք՝ ստորագրահավաքը վերաբերում է երկուշաբթի արտահերթ նիստ գումարելուն, որի օրակարգում կրկին ԸՕ փոփոխությունն է լինելու:

Կիսվի՛ր այս նյութով՝
դեպի վեր