+23 °C, +13 °C ... +24 °C Վաղը`+27 °C
«Սխալ տեղ են կազմակերպել բողոքի ցույցը, պետք է ՊԵԿ-ի մոտ կազմակերպեին, որովհետև մենք ոչ մի կապ չունենք հարկման մեխանիզմների հետ»,- Աժ-ում լրագրողների հետ զրույցում ասաց Առողջապահության նախարարի պաշտոնակատար Արսեն Թորոսյանն՝ անդրադառնալով ատամնաբույժների այսօրվա բողոքի ակցիային: «Ինձ համար էական է ստվերային շրջանառության սպիտակեցումը, և այդ գործիքը ներդրված է միայն դրա համար: Քանի որ շատ բարդ է վերահսկել ատամնաբույժների աշխատանքը կապված, թե քանի ատամ է հեռացրել ու պլոմբ դրել, պետությունը որոշել է վճարը ֆիքսել, որպեսզի մանրուքների հետևից չընկնի՝ ո՛չ անհարկի խանգարելով, ո՛չ էլ կասկածներ ունենալով, որ իրեն խաբում են»,- ասաց Թորոսյանը՝ հավելելով, որ հարցի հետ կապված որևէ էական առաջարկ չունեն ՊԵԿ-ին: Հիշեցնենք՝ մի խումբ ատամնաբույժներ բողոքի ակցիա են իրականացրել Առողջապահության նախարարության շենքի առջև: Նրանք պահանջում են վերանայել 2013թ. արտոնագրային վճարների մասին որոշումը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am