Այսօր երեկոյան ժամը 17:40-ին ժամանակավորապես դադարեցվեցին Վանաձորում կորած 12-ամյա Արթուր Մարտիրոսյանի որոնումները: Աուտիզմով տառապող համր երեխան կորել է 2 օր առաջ: Այսօր նրա որոնման աշխատանքներին մասնակցել են 300 փրկարար, շուրջ 300 կամավոր և երեխայի հարազատները: Որոնումներն իրականացվել են նաև շների օգնությամբ, նրանք մի պահ որսացել են երեխայի հետքը, սակայն շուկայի մոտ կորցրել են այն: Վանաձորի քաղաքային ղեկավարության որոշմամբ՝ քաղաքի գիշերային լուսավորությունը չի անջատվի, քանի դեռ երեխան չի գտնվել: Հետազոտվում են քաղաքի տեսահսկման սարքերի նկարահանած նյութերը: |