Քալիֆորնիայում անտառային հրդեհները լայն մասշտաբների են հասել. հրդեհի մարման աշխատանքներին ներգրավվել է 200 կալանավոր, հաղորդում է Fox News-ը:

Օգնության համար կալանավորները մեկ ժամում 1 դոլար են վաստակում: Նշվում է, որ հրդեհի մարմանը մասնակցում են կալանավորներ, որոնք «կարող են աշխատել թիմում և հակված չեն բռնությանը»:

Զոհերի թիվն, ըստ վերջին տեղեկությունների, հասել է 48-ի: Ավելի քան 200 հազար մարդ անտուն է մնացել, փլուզվել է շուրջ 435 կառույց:

Ավելի վաղ ԱՄՆ նախագահ Դոնալդ Թրամփը Քալիֆորնիա նահանգն աղետի գոտի էր հայտարարել: