+21 °C, +14 °C ... +26 °C Վաղը`+27 °C
2018-ի մարտի 7-ին ԱԺ «Ելք» խմբակցության ղեկավար Նիկոլ Փաշինյանը Խնկո Ապոր անվան գրադարանում երեխաների համար կարդացել էր իր գրած «Չար տնակի հեքիաթը»։ Այսօր ԱԺ-ում անդրադառնալով «Ծառուկյան» խմբակցության պատգամավոր Լուիզա Սարգսյանի հարցին՝ «Չար տնակի» կերպարը ՀՀԿ-ն էր, թե՞ ոչ, ՀՀ վարչապետի պաշտոնակատարն ասաց. «Էդ հեքիաթի մասին խոսելու շատ բան կա: Դա այն շրջանն էր, երբ մտածում էի առաջիկա անելիքների մասին: Այո, կան այլաբանություններ՝ ուղղակի և անուղղակի, ինստիտուցիոնալ, քան անձնական: Չար տնակը տվյալ դեպքում պայմանական ասված՝ կաբինետն է, որը հաճախ սովորություն ունի կլանել մարդկանց, նրանց հիշողությունը, արժեզրկել նրանց արժեքները: Անկեղծ ասած՝ «Չար տնակ» ասելով նկատի եմ ունեցել ՀՀ ԱԺ-ն»: Արա Բաբլոյանն արձագանքեց՝ «չէի պատկերացնում, որ դա վերաբերում էր ԱԺ-ին»: Նիկոլ Փաշինյանն այնուհետ գնահատականներ հնչեցրեց արդեն արձակված ԱԺ-ի գործունեության վերաբերյալ, շնորհակալություն հայտնեց ԱԺ խոսնակին, պատգամավորներին. «Ուզում եմ շնորհակալություն հայտնել պարոն Բաբլոյանին՝ լարված պահերին բավականին կառուցողական ու հավասարակշիռ դերակատարում ունենալու համար: Իսկ առաջիկա ընտրություններին բոլոր թեկնածուներին հաջողություն եմ մաղթում»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am