Քալիֆորնիայում անտառային հրդեհների հետևանքով 59 մարդ է զոհվել: Այս մասին հայտնել են նահանգի իշխանությունները:

Նահանգի հյուսիսում, որտեղ մոլեգնում է Camp հրդեհը, զոհվել է 56 մարդ: Եվս 130 մարդ անհետ կորած է համարվում: Իսկ նահանգի հարավում՝ Մալիբու քաղաքի ծայրամասերում, 3 մարդ է զոհվել:

Տեղի ոստիկանության հաղորդմամբ՝ Camp հրդեհի ընդհանուր տարածքը ներկա պահին գերազանցում է 55 հազար հեկտարը: Հրշեջներին հաջողվել է օգտվել քամու թուլացումից և կանխել կրակի արագ տարածումը:

Ավելի վաղ հայտնի էր դարձել 48 զոհի մասին: Հրդեհի մարման աշխատանքներին 200 կալանավոր էր ներգրավվել: