+13 °C, +13 °C ... +27 °C Վաղը`+28 °C
ՌԴ ՔԿ Մորդովիայի քննչական վարչությունը հրաժարվել է գործարար և բարերար Լևոն Հայրապետյանի մահվան փաստով քրեական գործ հարուցել: Հիշեցնենք, որ Լևոն Հայրապետյանը դատապարտված էր խարդախության համար և իր պատիժը կրում էր Մորդովիայի թիվ 13 գաղութում: Ինքը` Հայրապետյանը, չէր ընդունել ներկայացված մեղադրանքները: 2017թ. աշնանը նա մահացավ բանտում, իսկ նրա հարազատները ՌԴ ՔԿ-ից պահանջում էին սպանության փաստով քրեական գործ հարուցել` կասկածներ ունենալով, որ գործարարին սպանել են: Գործարարի փաստաբան Կարեն Ներսիսյանը «Росбалт»-ին հայտնել է, որ բուժհաստատությունում սառցարանի աշխատանքը խափանվել է, որտեղ պահվում էին մահացածի օրգանիզմի հյուսվածքներից վերցված նմուշները: Այդպիսով, դրանք անպիտան են դարձել փորձաքննության համար: «Այդ ամենը կասկածելի է: Մենք կհասնենք նրան, որ գործով զբաղվի արդեն ՌԴ ՔԿ Կենտրոնական ապարատը»,- ասել է փաստաբանը: Նշենք, որ քննիչներն ավելի վաղ ևս հրաժարվել էին քրեական գործ հարուցել, որը հետագայում կարող է չեղարկվել դատախազության կողմից: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am