ԱՄՆ նախագահ Դոնալդ Թրամփը պաշտոնից ազատել է ազգային անվտանգության հարցերով խորհրդական Ջոն Բոլթոնի տեղակալ Միրա Ռիկարդելին՝ կնոջ՝ Մելանյա Թրամփի հետ վիճաբանության պատճառով, հաղորդում է DW-ի ռուսական ծառայությունը՝ հղում անելով Սպիտակ տան մամուլի ծառայությանը: Նշվում է, որ վեճը ծագել է կազմակերպական հարցերի պատճառով` կապված Մելանյայի` Աֆրիկա այցի հետ: «Միրա Ռիքարդելը Սպիտակ տնից հեռանալուց հետո կշարունակի աջակցել նախագահին նրա վարչակազմում»,- ասել է Սպիտակ տան մամուլի քարտուղար Սառա Սանդերսը: Ամերիկյան լրատվամիջոցների խոսքով՝ Ռիկարդելը տարաձայնություններ է ունեցել նաև ԱՄՆ ՊՆ ղեկավար Ջեյմս Մեթիսի հետ, սակայն պաշտոնից ազատման գլխավոր գործոնը եղել է Մելանյայի հետ վեճը: |