Ադրբեջան-Ռուսաստան միջխորհրդարանական բարեկամական խմբի ղեկավար, ՌԴ Պետդումայի պատգամավոր Դմիտրի Սավելևը, խոսելով ռուս-ադրբեջանական հարաբերությունների զարգացման հեռանկարների մասին, անդրադարձել է Հավաքական անվտանգության պայմանագրի կազմակերպությանն (ՀԱՊԿ) Ադրբեջանի անդամակցության հարցին: «ՀԱՊԿ-ին Ադրբեջանի անդամակցության գլխավոր գործոնը Բաքվի քաղաքական կամքն ու այնպիսի երկրների դիրքորոշումն է, ինչպիսիք են Ռուսաստանը, Ղազախստանը, Բելառուսն ու Տաջիկստանը: Անհրաժեշտության դեպքում նրանք կարող են Հայաստանին համոզել՝ չգործել ՀԱՊԿ հիմնական մասնակիցների շահերի դեմ»,- «Правда» պարբերականին ասել է Սավելևը: Նրա խոսքով՝ անդամակցությունը կարող է դրական արդյունքի հանգեցնել Լեռնային Ղարաբաղի հակամարտության կարգավորման գործընթացում: Բացի այդ, Սավելևն ասել է, որ ռուսական կողմը կաջակցի Ադրբեջանին, եթե այդ երկրի իշխանությունները ցանկություն հայտնեն անդամակցության հարցով բանակցություններ սկսել: |