ԱՄՆ Քալիֆորնիա նահանգում անտառային հրդեհների հետևանքով զոհերի թիվը հասել է 80-ի, հաղորդում է ABC News-ը՝ հղում անելով նահանգի հրշեջ ծառայության հայտարարությանը: Ավելի վաղ հայտնի է դարձել 76 զոհի և 1276 անհետ կորածի մասին:

Հեռուստաալիքի տեղեկություններով՝ 80 մարմիններից 63-ը ճանաչվել է: Զոհերի մեծ մասը եղել է Բյութ շրջանից:

Բացի այդ, հաղորդվում է, որ այժմ անհետ կործաների թիվը 1202-ն է:

Քալիֆորնիայի հյուսիսում Camp անտառային հրդեհն սկսվել էր նոյեմբերի 8-ին: Այն ամենաավերիչն էր դարձել նահանգի պատմության մեջ: Նահանգի հարավային հատվածում դեռևս մոլեգնում է 2 հրդեհ՝ Woolsey-ը և Hill-ը: