Ազգային ժողովի խմբակցությունների հետ անցկացվող վերջին ավանդական ճեպազրույցի ժամանակ «Ծառուկյան» խմբակցության պատգամավոր Վահե Էնֆիաջյանն ասաց, որ առավելագույնս փորձելու են ներգրավվածություն ունենալ ապագա ԱԺ-ում: «Եթե ասում ենք՝ ժողովուրդն է որոշողը, անհասկանալի է, երբ այս կամ այն ուժը հայտարարում է, թե իրեն տեսնում է 2-րդ, 3-րդ, կամ այլ տեղում»: Լրագրողը հարցրեց՝ «Դուք վախենո՞ւմ եք Նիկոլ Փաշինյանին լինել ընդդիմություն»: Ձևակերպումը, որը տարօրինակ թվաց ԲՀԿ ներկայացուցչին, պատասխանեց. «Մեր քաղաքական ուժը որևէ դաշտոմ որևէ գործունեություն ծավավալելուց վախի զգացողութուն չի ունեցել և մենք մշտապես պատասխանատվություն վերցնելու զգացողությամբ ենք առաջնորդվելու: Առաջիկա ընտրություններին որքան որ վստահության քվե կստանանք քաղաքացիներից, ըստ այդմ էլ քաղաքական գործունեություն կծավալենք: Որևէ խնդրի հետ կապված՝ նախկինում, ներկայում և ապագայում, եթե սխալ գործողություններ տեսնենք՝ բացեր, թերություններ, կաշկանդված չենք եղել, չենք էլ լինելու. գնահատականներ ենք տալու կոշտ»,- ասաց Վահե Էնֆիաջյանը: |