Mamul.am
Загрузка...
Ամբողջական տարբերակ
USD 487.50, EUR 551.07, RUB 7.36, GBP 629.90
+5 °C, -1 °C ... +8 °C Վաղը`+10 °C
Hay / Հայ | Рус | Eng | Tür
Ադրբեջանն առաջարկ է արել ԵԱՀԿ-ին
10:25, 07.12.2018

Ադրբեջանի ԱԳ նախարար Էլմար Մամեդյարովը Միլանում ԵԱՀԿ ԱԳ նախարարների խորհրդի 25-րդ նիստի շրջանակում հանդիպել է ԵԱՀԿ գլխավոր քարտուղար Թոմաս Գրեմինգերի հետ, որի ընթացքում քննարկել է Լեռնային Ղարաբաղի հակամարտության կարգավորման հարցը: Այս մասին ասվում է Ադրբեջանի ԱԳՆ-ի տարածած հաղորդագրության մեջ:

Մամեդյարովը Գրեմինգերին առաջարկել է Արցախում տիրող իրավիճակի հետ կապված գնահատման առաքելություն իրականացնել:

Բացի այդ, Մամեդյարովը ԵԱՀԿ գլխավոր քարտուղարին է ներկայացրել ՀՀ ԱԳ նախարարի պաշտոնակատարի հետ հանդիպման արդյունքներն ու նշել, որ հանդիպումն օգտակար էր, և որ մոտ ապագայում առավել ինտենսիվ և արդյունավետ բանակցություններ են սպասվում՝ գործող ձևաչափով:

Ավելի վաղ Միլանում ԵԱՀԿ նախարարների խորհրդի շրջանակում հանդիպել էին ՀՀ ԱԳ նախարարի պաշտոնակատար Զոհրաբ Մնացականյանն ու Ադրբեջանի ԱԳ նախարար Էլմար Մամեդյարովը:

Տեղեկացրե՛ք Ձեր մտերիմներին
| |
դեպի վեր