ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
Կրեմլում խոսել են ՀԱՊԿ նոր գլխավոր քարտուղարի հարցի մասին
15:05, 07.12.2018 | mamul.am
7310 | 4

ՀԱՊԿ նոր գլխավոր քարտուղարի նշանակման հարցը դեռևս որոշված չէ: РИА Новости-ի հաղորդմամբ՝ այս մասին լրագրողներին ասել է Կրեմլի խոսնակ Դմիտրի Պեսկովը:

«Ոչ, չի որոշվել: Իսկապես, հարցը քննարկվել է ԵԱՏՄ առաջնորդների հանդիպման ժամանակ: Հարցը օրակարգից դուրս բարձրացվել է Ալեքսանդր Լուկաշենկոյի կողմից: Նորմալ պրակտիկա է, երբ ցանկացած պետության ղեկավար քննարկում է այն հարցերը, որոնք անհրաժեշտ է համարում»,- ասել է Պեսկովը:

Նրա խոսքով՝ այդ պահին բանակցությունների սեղանին ներկա են եղել ոչ բոլորը: «Աշխատանքները կշարունակվեն»,- հավելել է Կրեմլի խոսնակը:

Երեկ Բելառուսի նախագահը ԵԱՏՄ նիստից հետո լրագրողներին հայտնել էր, որ «ՀԱՊԿ նոր գլխավոր քարտուղարի նշանակման մեխանիզմների շուրջ իրենց հաջողվել է համաձայնության հասնել»:

ՀՀ վարչապետի պաշտոնակատար Նիկոլ Փաշինյանի մամուլի խոսնակ Արման Եղոյանն, իր հերթին, հայտնել էր, որ ՀԱՊԿ գլխավոր քարտուղարի հարցը չի լուծվել՝ այդպիսով հերքելով Լուկաշենկոյի հայտարարությունը:

Կիսվի՛ր այս նյութով՝
դեպի վեր