+23 °C, +14 °C ... +25 °C Վաղը`+25 °C
Քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Ես Արցախի բարձրագույն ղեկավարությանը դեռ 2016-ի ապրիլ ամսին՝ Ստեփանակերտում, զգուշացրել եմ, որ Սերժ Սարգսյանը հայտնվել է փակուղում և իր կաշին փրկելու համար գնալու է «ոչ ստանդարտ քայլերի»: Քայլերից մեկը Սեֆիլյանին ձերբակալելն ու ՊՊԾ-ի գրավումը սադրելն էր, իսկ որոշ վերլուծաբանների կարծիքով՝ կազմակերպելը՝ ժամանակ շահելու ու մինչև 2017-ի ԱԺ ընտրությունները թայմ-աութ վերցնելու նպատակով: Քայլերից մյուսը՝ սեփական անվտանգության երաշխիքներ ստանալու դիմաց իշխանությունը փոխանցելն էր «այլ ուժերին» ու ժամանակավորապես «ղրաղ» քաշվելն ու մարաղ մտնելը: Չտեսա՞ք, թե ինչպես Սերժը, «ղրաղ քաշված ու մարաղ մտած», չեզոքացրեց և քաղաքական արխիվ ուղարկեց իր բոլոր հակառակորդներին, և մյուս կողմից՝ հետհեղափոխական ԱԺ ընտրությունների մասնակիցներ դարձրեց ՀՀԿ-ին ու ՀՀԿ-ի կոալիցիոն դաշնակիցներին՝ ԲՀԿ-ին, ՕԵԿ-ին, ՀՅԴ-ին և իր վաղեմի մանր-մունր հաճախորդներին: Եվ, ամենակարևորը, շարքից հանեց իր ամենավտանգավոր հակառակորդին, նրան, ում կողքին էր տարիներ շարունակ և ում տարիներ շարունակ նախանձում էր սև նախանձով՝ ինչպես Համլետի հորեղբայրը նախանձում էր Համլետի հորը: Այոʹ, նա գիտեր, որ Ռոբերտ Քոչարյանը նրան չէր ներելու 1998-ի իշխանափոխության իմաստը ոտնատակ անելու, հհշական ուժերի կողմն անցնելու և Արցախը դեյտոնյան մի նոր արհավիրքի առջև կանգնեցնելու համար: Եվ թողե՜ք բոլորը իմանան ճշմարտությունը. այսօր ոչ թե Նիկոլն է ձգտում ոչնչացնել Ռոբերտ Քոչարյանին, այլ հենց «մերժված» Սերժը...»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am