ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Հայ առաքելական եկեղեցին նշում է Ս. Հակոբի տոնը
09:00, 15.12.2018 | mamul.am
3491 | 0

Այսօր՝ դեկտեմբերի 15-ին Հայ Առաքելական Սուրբ Եկեղեցին նշելու է Ս. Հակոբ Մծբնա Հայրապետի, Մարուգե ճգնավորի և Մելիտոս եպիսկոպոսի հիշատակության օրը: Տոնի առթիվ ժամը 10:30-ին Ս. Պատարագ կմատուցվի Ս. Հակոբ անունը կրող եկեղեցիներում` Երևանի Քանաքեռ համայնքում, Արարատ, Մրգավան և Ներքին Դվին գյուղերում: Ուխտի Ս. Պատարագ կմատուցվի նաև Բուրաստանի՝ խոնարհված Ս. Հակոբ եկեղեցում: Տոնի առթիվ ժամը 10:00-ին Մայր Աթոռ Սուրբ Էջմիածնից Արարատի Ս. Հակոբ եկեղեցի կբերվի Սուրբ Հակոբի շնորհաբաշխ Աջը: Ս. Պատարագից հետո եկեղեցում կկատարվի նաև Հակոբ անունը և Հակոբյան ազգանունը կրող մարդկանց օրհնության կարգ, իսկ եկեղեցու բակում՝ մատաղօրհնության արարողություն: Այդ օրը համայնքը տոնախմբելու է եկեղեցու կառուցման և օծման 152-ամյակը և Արարատ (Դավալու) համայնքի հիմնադրման 190-ամյակը: Ս. Հակոբի մասունքակիր Աջը հավատացյալների խոնարհմանը կդրվի նաև Մրգավանի և Բուրաստանի Ս. Հակոբ եկեղեցիներում: Մրգավանի Ս. Հակոբ եկեղեցում Ս. Պատարագի ավարտին կիրակնօրյա դպրոցի սաները հավատացյալներին կներկայացնեն սրբի վարքը: Քանաքեռի Ս. Հակոբ եկեղեցու համայնքի ու բարերարների նախաձեռնությամբ Ս. Պատարագի ավարտին սիրո ճաշ կմատուցվի եկեղեցու այցելուներին:

Կիսվի՛ր այս նյութով՝
դեպի վեր