Դեկտեմբերի 17-ին «Նարեկացի» արվեստի միությունում տեղի կունենա Ջուլիետա Ղազարյանի՝ «Դիմագիծ» խորագիրը կրող լուսանկարների ցուցադրությունը: Լուսանկարներում ցուցադրված են դռներ, որոնք հիմնականում նկարվել են Կիպրոսում, Թբիլիսիում և Գյումրիում: «Ցուցադրության հիմնական նպատակն է մարդկանց ուշադրությունը հրավիրել ճարտարապետական ֆունկցիոնալություն ունեցող ամենագեղեցիկ տարրերից մեկի՝ դռների վրա, ցույց տալ, թե ինչքան տարբեր կարող են լինել դրանք և ինչպես կարող են փոխել շենքի դիմագիծը»,- նշում է հեղինակը: Մուտքն ազատ է: |