Չինաստանի Ժողովրդական Հանրապետության ղեկավար Սի Ցզինփինը բարեփոխումների քաղաքականության սկզբի 40-ամյակին նվիրված միջոցառման ժամանակ հայտարարել է երկրում կոռուպցիայի դեմ վճռորոշ հաղթանակի մասին, գրում է Lenta-ն՝ հղում անելով չինական լրատվամիջոցներին: Նա նշել է այն հաջողությունները, որոնց հասել է Չինաստանը վերաձևավորման 40 տարիների ընթացքում: «Կոռուպցիայի դեմ պայքարում վճռորոշ հաղթանակ ենք տարել: Հետագայում ևս անհրաժեշտ է պայքարել այդ խնդրի դեմ: Անհրաժեշտ է հրաժարվել կոռուպցիայի բոլոր տարրերից, աջակցել կադրային շարքերում զտումներին, կառավարության ներսում ազնվությանն ու սթափ քաղաքականությանը»,- ասել է Ցզինփինը: Նշվում է, որ 2013թ. իշխանության գալու պահից Սի Ցզինփինն իր կուսակցությունում կոռուպցիայի դեմ պայքար է սկսել: 5 տարվա ընթացքում իրենց պաշտոններից զրկվել և կալանավորվել է մոտ 100 հազար պաշտոնյա: |