ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
Թրամփը հայտարարել է ԴԱԻՇ-ի դեմ պատմական հաղթանակի մասին
10:25, 20.12.2018 | mamul.am
12599 | 0

ԱՄՆ նախագահ Դոնալդ Թրամփը հայտարարել է, որ ժամանակն է, որպեսզի ամերիկյան զորքերը վերադառնան հայրենիք, քանի որ պատմական հաղթանակ են տարել Սիրիայում ԴԱԻՇ ահաբեկչական խմբավորման նկատմամբ:

USA Today-ի փոխանցմամբ՝ ԱՄՆ նախագահի տեսաուղերձը հրապարակվել է նրա թվիթթերյան էջում:

Թրամփի խոսքով՝ Սիրիայի ռազմական գործողությունների ժամանակ ամերիկյան զորքերն իրապես բարձր մարտական մակարդակ են պահպանել, ինչի շնորհիվ ԴԱԻՇ-ի նկատմամբ հաղթանակը հնարավոր է դարձել:

«Մենք հաղթեցինք նրանց, և այժմ ժամանակն է, որպեսզի մեր զորքերը տուն վերադառնան»,- ասել է Թրամփը:

Նա նաև հիշատակել է այն զինվորներին, ովքեր զոհվեցին գրոհայինների կողմից, և նրանց հերոսներ անվանել:

Ավելի վաղ Սպիտակ տունը հաստատել էր Սիրիայից ամերիկյան զորքերի դուրսբերումն ու հայտարարել, որ «այդ արշավը հաջորդ փուլ է անցնում»:

Կիսվի՛ր այս նյութով՝
դեպի վեր