Գիտնականների նոր հետազոտությունները կապ են գտել անհաջող ամուսնությունների ու առողջական վատ վիճակի միջև, գրում է Deccan Chronicle-ը: Հետազոտությանը մասնակցել է ամուսնական 43 զույգ: Նրանց խնդրել են լուծում գտնել այնպիսի խնդրահարույց իրավիճակներում, որոնք կարող են խիստ տարաձայնություններ առաջացնել: Փորձարկումից առաջ և հետո նրանցից արյան նմուշներ են վերցրել անալիզի համար: Այն կանայք ու տղամարդիկ, ովքեր հաճախակի են վիճել, արյան մեջ ունեցել են ավելի շատ բակտերիաներ, որոնք հանգեցնում են ստամոքսի հիվանդությունների: Նույնպիսի ցուցանիշներ են գրանցվել նաև այն մարդկանց մոտ, որոնք դժբախտ են ամուսնության մեջ, կամ էլ տառապում են դեպրեսիվ խանգարումներից: Ընտանեկան սթրեսը հատկապես ուժգին է լինում, քանի որ կողակիցը մարդու թև ու թիկունքն է կյանքում, իսկ չստացված ամուսնությունների դեպքում զուգակիցը վերածվում է սթրեսի աղբյուրի, ինչն էլ հանգեցնում է առողջության վատթարացման: |