ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
Էրդողանը Բոլթոնի հայտարարությունից հետո հրաժարվել է նրա հետ հանդիպումից
17:00, 08.01.2019 | mamul.am
12864 | 3

Թուրքիայի նախագահ Ռեջեփ Էրդողանը հրաժարվել է ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ հանդիպումից: Այս մասին, Haberler-ի փոխանցմամբ, հայտարարել է Էրդողանի մամուլի խոսնակ Իբրահիմ Քալընը:

Նրա խոսքով՝ հանդիպման չեղարկման պատճառ է դարձել Բոլթոնի հայտարարությունը: Բոլթոնն ավելի վաղ հայտարարել էր, որ ԱՄՆ-ը դուրս չի բերի Սիրիայից իր զորքերը, քանի դեռ Թուրքիայի իշխանությունները չեն խոստացել հարձակում չգործել Սիրիայի քրդերի վրա:

Էրդողանը Բոլթոնի հայտարարությունն «անընդունելի» է անվանել:

«Բոլթոնը մեծ սխալ է գործում, նրա հայտարարությունն անընդունելի է: Նրանք, ովքեր ապատեղեկատվություն են տարածում, թե Թուրքիան Սիրիայում սպանում է քրդերին, փորձում են ստուգել միջազգային հանրության տրամադրվածությունը»,- ասել է նա:

Էրդողանը նաև նշել է, որ Թուրքիան մոտ ժամակաները Սիրիայի հարցով «վճռական գործողությունների» կանցնի:

Կիսվի՛ր այս նյութով՝
դեպի վեր