ՊԵԿ նախագահ Դավիթ Անանյանը լրագրողների հետ ճեպազրույցի ժամանակ, անդրադառնալով անցած տարվա բյուջեի և հարկային մուտքերի ցուցանիշների ամփոփմանը ասել է. «Տարվա սկիզբից դեռ մի քանի օր է անցել և, բնականաբար, այս պահին թվեր չեմ հնչեցնի, կհնչեցնենք մի քանի օր հետո: Մի բան ուղղակի կասեմ` եթե զուտ հարկերի հոսքերի տեսանկյունով վերցնենք, այսինքն համեմատելով 2017-ը 2018-ի հոսքերի հետ, ապա մուտքերի հաշվին շուրջ 15%-ով գերակատարվել է հոսքային պլանը: Բայց միաժամանակ ավելացված արժեքի հարկ-եկամտային հարկի վերադարձի ցուցանիշը եղել է 67 միլիարդ, 2018-ին` 97 միլիարդ: Տարեսկզբին անցումային գերավճարի գումարի թիվը 2018թ-ի հունվարի մեկի դրությամբ կազմել է 133 միլիարդ, դեկտեմբերի վերջի դրությամբ, չհաշված գանձապետական հաշվի մնացորդը, այդ նույն ցուցանիշը դարձել է 21 միլիարդ»: