Աշոտ Սարգսյանը նշանակվել է Առողջապահության նախարարի խորհրդական: Այս մասին Սարգսյանը տեղեկացրել է իր ֆեյսբուքյան էջում: «Այսօր նշանակվել եմ առողջապահության նախարար Արսեն Թորոսյանի խորհրդական: Պատրաստ եմ լսելու Հայաստանի բոլոր հիվանդանոցներին վերաբերող բողոքները և առաջարկությունները: 12 տարի աշխատելով պետական առողջապահական գործակալության վերահսկողության բաժնում՝ ներսից տիրապետում եմ իրավիճակին, բայց պետք է նաև ձեր օգնությունը համակարգն ավելի հասանելի ու հանրամատչելի դարձնելու համար: Հուսով եմ կունենանք թափանցիկ, բաց, ընկերական համագործակցություն»,- գրել է նա: |