+11 °C, +11 °C ... +24 °C Վաղը`+27 °C
Բրիտանացի թենիսիստ Էնդի Մառեյը, արցունքներն աչքերին, հայտարարել է կարիերան ավարտելու մտադրության մասին: Պատճառն աջ ազդրի վնասվածքն է, որը նա ավելի վաղ վիրահատել էր, սակայն ցավը չէր անցել։ «Ասել եմ թիմիս, որ էլ այսպես չեմ կարող։ Պետք է կանգ առնեմ, քանի որ խաղում եմ՝ չհասկանալով, թե երբ կդադարի ցավը: Ես գիտակցեցի, որ պետք է այս որոշումն ընդունեմ։ Ասել եմ թիմիս, որ կկարողանամ դիմանալ մինչև «Ուիմբլդոն», և այնտեղ կավարտեմ կարիերաս, բայց վստահ չեմ, որ կկարողանամ: Հանդես կգամ Մելբուրնում, քանի որ դեռ կարող եմ խաղալ որոշակի մակարդակում, բայց ոչ այն մակարդակում, որը հաճույք կբերեր: Ցավն իսկապես շատ ուժեղ է: Չեմ ցանկանում այսպես շարունակել խաղալ: Հնարավոր է՝ Ավստրալիայի բաց առաջնությունն իմ վերջին մրցաշարը դառնա: Վստահ չեմ, որ կարող եմ ևս 4 կամ 5 ամիս խաղալ այս ցավերով»,- նշել է Մառեյը։ Նշենք, որ Մառեյն աշխարհի նախկին առաջին ռակետն է, նա «Մեծ Սաղավարտի» մրցումների եռակի հաղթող, օլիմպիական խաղերի կրկնակի չեմպիոն և Դևիսի գավաթի հաղթող։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am