Իսպանիայում ավարտվեց «Ռոկետաս Դե Մար» խոշոր միջազգային մրցաշարը, որին մասնակցում էր 22 երկրի՝ 178 շախմատիստ: Մասնակիցների թվում էր 15 գրոսմայստեր, իսկ առաջին դասակարգված շախմատիստն էր Ալեքսեյ Շիրովը: Մրցաշարում Հայաստանը ներկայացնում էր գրոսմայստեր Կարեն Գրիգորյանը: Մեր շախմատիստը 9 հնարավորից վաստակեց 7 միավոր և գրավեց 3-րդ հորիզոնականը: Նույնքան միավոր վաստակած Ալեքսեյ Շիրովը, ավելի բարձր լրացուցիչ ցուցանիշների շնորհիվ, դարձավ երկրորդը, իսկ մրցաշարի միանձնյա հաղթող դարձավ 7.5 միավոր վաստակած Դմիտրի Ֆրոլյանովը: |