Երևանի ընդհանուր իրավասության դատարանում, Արթուր Մկրտչյանի նախագահությամբ, վերսկսվել է ՀՀ երկրորդ նախագահ Ռոբերտ Քոչարյանի կալանքի ժամկետը երկարացնելու, ինչպես նաև նրա պաշտպանների՝ Քոչարյանին գրավով ազատ արձակելու վերաբերյալ միջնորդությունների քննությունը: Հիշեցնենք, որ ՀՀ երկրորդ նախագահի պաշտպան Հայկ Ալումյանը տեղեկացրել էր, որ դատարանը մերժել է Ռ. Քոչարյանի պաշտպանների՝ դատավորի ինքնաբացարկի միջնորդությունը: Ավելի վաղ հայտնել էինք, որ Հատուկ քննչական ծառայությունը ՀՀ երկրորդ նախագահ Ռոբերտ Քոչարյանի կալանքը ևս երկու ամսով երկարաձգելու միջնորդություն է ներկայացրել Երևան քաղաքի ընդհանուր իրավասության դատարան: |