Քրդական ANF գործակալությունն անդրադարձել է Հայաստանի 7-րդ գումարման Ազգային ժողովի առաջին նիստին՝ նշելով, որ խորհրդարանի առաջին նիստը վարել է Հայաստանում քրդական համայնքի ղեկավար Կնյազ Հասանովը: Գործակալությունը հայտնում է, որ Կնյազ Հասանովը վարել է 7-րդ գումարման խորհրդարանի առաջին նիստը, որը ձևավորվել է դեկտեմբերի 9-ին կայացած արտահերթ խորհրդարանական ընտրությունների արդյունքում: Հաղորդվում է նաև, որ ըստ Հայաստանի օրենսդրության՝ ընտրություններից հետո ԱԺ առաջին նիստը վարում է տարիքով ամենամեծ պատգամավորը, իսկ Կնյազ Հասանովը Հայաստանի նոր խորհրդարանի ամենատարեց պատգամավորն է: ANF-ն անդրադարձել է նաև խորհրդարանի նախագահի ընտրության քվեարկությանը՝ հայտնելով, որ ՀՀ ԱԺ նախագահ է ընտրվել Արարատ Միրզոյանը: |