«Միքայել Մինասյանը Հայաստանի լավագույն դեսպաններից է եղել»,- խորհրդարանում լրագրողների հետ զրույցում ասել է «Լուսավոր Հայաստան» խմբակցության պատգամավոր Արման Բաբաջանյանը՝ անդրադառնալով Վատիկանում ՀՀ նախկին դեսպան Միքայել Մինասյանի աշխատանքին վերաբերվող հարցին: «Իշխանությունները որոշել են, որ նա այլևս չպետք է շարունակի իր պաշտոնավարումը, հավանաբար ունեցել են հիմնավոր պատճառներ: Հույս ունենք, որ նոր նշանակաված դեսպանը կշարունակի այդ ավանդույթը և Վատիկանի հետ Հայաստանի հարաբերությունները դրական իմաստով կխորանան ու կզարգանան»,- հավելել է նա: Արձագանքելով Բաբաջանյանին՝ Ազգային առաջընթաց կուսակցության վարչության անդամ Լուսինե Հարոյանը սոցկայքի իր էջում գրել է. «Որևէ մեկի մոտ թեկուզ փոքր կասկած կա՞, թե ում կուսակցությունն է Լուսավոր Հայաստանը` վերածնված ՀՀԿ-ն կամ ՀՀԿ light կուսակցությունը: |