+27 °C, +15 °C ... +27 °C Վաղը`+26 °C
ՌԴ ԱԳ նախարար Սերգեյ Լավրովը հույս է հայտնել, որ Ադրբեջանում ձերբակալված ՌԴ քաղաքացի հայազգի Մարատ Ուելդանով-Գալուստյանին Ռուսաստան վերադարձնելու հարցը կհաջողվի լուծել երկխոսության միջոցով։ Այս մասին նա ասել է տարվա ամփոփիչ ասուլիսի ժամանակ: «Ցանկացած երկրում, այդ թվում նաև ԱՊՀ տարածքում, մեր քաղաքացիների հետ կապված հարցերին մշտապես անդրադառնում ենք մեր երկկողմ շփումների ընթացքում: Հավաստիացնում եմ, այդ թեման հնչեցվել է մեր ադրբեջանցի գործընկերների հետ վերջին բանակցությունների ընթացքում: Հուսով եմ՝ երկխոսության միջոցով ստանալ բոլորին բավարարող արդյունք և կկարողանանք վերադարձնել այդ քաղաքացուն Ռուսաստան»,- ասել է Լավրովը: Նշենք, որ Մարատ Ուելդանով-Գալուստյանը (Ուելդանովը կնոջ ազգանունն է), ով Ռուսաստանի քաղաքացի է և այնտեղ աշխատում էր որպես մենեջեր, ձերբակալվել է Բաքվում 2016թ․։ Նրան մեղադրում են խոշոր չափերով թմրամիջոցների ձեռքբերման, արտադրության, պահպանման և տարածման հոդվածներով։ Ուելդանովի ընտանիքը պնդում է, որ նա դատապարտվել է իր հայկական ծագման համար։ Ավելի վաղ Մարատ Ուելդանով-Գալուստյանը քրոջ հետ հեռախուսազրույցի ընթացքում օգնություն էր խնդրել Ռուսաստանի իշխանություններից: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am