ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Ներդնելու եմ իմ ամբողջ ներուժը». Արման Եղոյան
00:50, 19.01.2019 | mamul.am
4303 | 0

ՀՀ վարչապետի մամուլի նախկին քարտուղար Արման Եղոյանը ֆեյսբուքյան իր էջում գրել է. «Այսօր Հայաստանի Հանրապետության Ազգային Ժողովի որոշմամբ ստանձնեցի ՀՀ ԱԺ Եվրոպական ինտեգրման հարցերի մշտական հանձնաժողովի նախագահի պարտականությունները:

Սա չափազանց պարտավորեցնող, բայց և պատվաբեր պատասխանատվություն է: Ներդնելու եմ իմ ամբողջ ներուժը հանձնաժողովի աշխատանքներն առավելագույն արդյունավետ կազմակերպելու, հանձնաժողովում թիմային ոգին պահելու, հանձնաժողովի առջև համապատասխան պետական մարմինների հաշվետվողականությունը և վերջինների հետ համակարգված համագործակցությունը, ինչպես նաև՝ հասարակության առջև հանձնաժողովի հաշվետվողականությունը ապահովելու համար:

Ցանկանում եմ նաև շնորհակալություն հայտնել բոլոր նրանց, ում հետ առիթ եմ ունեցել աշխատել անցած ութ ամիսների ընթացքում ՀՀ վարչապետի մամուլի քարտուղարի պարտականությունները կատարելիս: Շատերի հետ աշխատանքը շարունակվելու է նաև Ազգային Ժողովում:

Հրավիրում եմ նաև եվրոպական իրավունքի բոլոր մասնագետների և Եվրամիության ինստիտուտներում կամ այլ վերաբերելի աշխատանքի փորձ ունեցող անձանց ուշադրությունը: Հանձնաժողովը բաց է բոլոր մասնագիտական առաջարկություններն ու դիտարկումները լսելու և քննարկելու համար»:

Կիսվի՛ր այս նյութով՝
դեպի վեր