«ՌԴ հայազգի քաղաքացիների՝ Ադրբեջան մուտքի արգելքի առնչությամբ ՌԴ ԱԳՆ-ի անբացատրելի համառությունը դժվար է հասկանալ, այն հակասում է երկու երկրների ռազմավարական հարաբերություններին»: Այս մասին ասվում է Ադրբեջանի ԱԳՆ-ի տարածած հաղորդագրության մեջ: Հիշեցնենք, որ նախօրեին Ռուսաստանի արտաքին գործերին նախարարությունը հաղորդագրություն է տարածել, որում անդրադարձել էր Ադրբեջանի իշխանությունների կողմից հայկական ծագում ունեցող ՌԴ քաղաքացիների մուտքը երկիր արգելելու դեպքերին և նշել Բաքվի՝ դիվանագիտական էթիկայից դուրս եկող հայտարարությունների տոնը: Բաքուն հիշեցրել է, որ «միայն 2018-ին Ադրբեջան է այցելել ՌԴ ավելի քան 880 հազար քաղաքացի: Հաղորդագրության մեջ ասվում է նաև, որ այդ հարցով Ադրբեջանի ԱԳՆ-ի հաղորդագրության ոճը «համարժեք է եղել ՌԴ ԱԳՆ հաղորդագրության ոճին»: Բացի այդ, Բաքվում «անթույլատրելի» են անվանել «վերջնագրի տոնով» Ադրբեջանի հետ խոսելը: Ադրբեջանի ԱԳՆ-ում հավելել են, որ «Ռուսաստանի հետագա քայլերին ադեկվատ գործողություններ կձեռնարկեն»: |